Geografik obʼektlarga ekspeditsiyalar
Jumladan, ilk ekspeditsiya Toshkent viloyati boʼylab tashkil etildi. Unda Ishchi guruh aʼzolari N.T.Shamuratova, R.А.Ibragimova, K.А.Kraxmal, А.Yorqulov, B.Egamov va bir qator mutaxassislar 2019 yilning sentyabr Boʼstonliq, Ohangaron tumanlari va Аngren shahri hududidagi Koʼlbuloq makoni (Аngren shahri), Shoabdumalik ota maqbarasi, Sardoba (Ohangaron), Shayx Umar Valiy Bogʼistoniy maqbarasi, Xoʼjakent petrogliflari, Chinor ziyoratgohi, Qadamchi Buva ziyoratgohi, Аvliyosoy–Ikrima ota, Obirahmat gʼori (Boʼstonliq)ni oʼrganib, ular haqida maʼlumotlar toʼplash ishlari olib borildi.
Rus Geografiya jamiyati Penza boʼlimining Oʼzbekiston Respublikasiga “Zamonaviy etnomir” ekspeditsiyasi
Oʼzbekiston Geografiya jamiyati va Rus Geografiya jamiyatining ijodiy hamkorlikning muhim sahifalari Rus Geografiya jamiyatining Penza boʼlimi tomonidan tashkil etilgan 2018 yil oktyabr oyidagi “Zamonaviy etnomir” ekspeditsiyasi boʼldi. Uning maqsadi Oʼzbekistondagi rus va rusiyzabon aholining turmush tarzi va madaniyatini oʼrganish edi. Oʼzbekiston Geografiya jamiyati vakillari Toshkent, Samarqand va Buxorodagi obʼektlarni maqsadli oʼrganishda ekspeditsiyaning ishida bevosita ishtirok etdilar.
2018 yil may oyida Qozogʼiston milliy geografiya jamiyatining maxsus loyihasi doirasida bir guruh qozogʼistonlik tadqiqotchilar Orol dengiziga yirik xalqaro ekspeditsiya tashkil etib, yoʼlda Oʼzbekistondagi tarixiy va madaniy turizmning eng muhim markazlariga tashrif buyurishdi - Samarqand, Buxoro va Xiva shaharlariga.
Zamonaviy bosqichda Oʼzbekiston Geografiya jamiyati faoliyatini faollashtirish va muvaffaqiyatli rivojlanishi uchun boshqa mamlakatlar geografiya jamiyatlari bilan hamkorlikda ilmiy-amaliy forumlar oʼtkazish, ekspeditsiya tadqiqotlari, nashriyotlar va maʼlumotlarni chop etish uchun xalqaro aloqalarni faollashtirish, jamoaviy monografiyalar va mavzuli maqolalar toʼplamlarini nashr etish, nashrlar va ilmiy maʼlumotlar almashinuvi maqsadga muvofiq koʼrinadi.
